见住女友 同佢公司同事搅野,仲中出左 (更新版)


比我发现女友同公司同事搅野,我哋plan 紧Christmas 去旅行,出年年头买楼结婚。

我好爱我女友,一齐左七年,如果佢认错又唔再犯嘅话我会原谅佢的。

而家问题係我应唔应该爆佢大镬,问佢点解咁做,定係假装唔知,等到结完婚买完楼一切都会好起来?我真係唔想失去佢。教教我吧!

-------------------------------------------

更新 1

好多谢各位师兄宝贵嘅意见

首先呢个係真人真事,唔係作故仔。

好多人话绿帽要中出即飞,其实我宁愿佢只係一时贪玩以后唔再犯嘅话我哋以后都可以开开心心过日子,因为我真係好爱佢。因为这件事我第一次知道咩叫食龙肉都无味,亦唔想食野。

我觉得佢唔係大家口中咁港女,同我一齐咁多年都无同其他男人flirt过或收过兵。


我係无亲眼睇住佢哋搅野,我係坐係自己部车度睇住佢哋部车,睇唔到入面发生紧咩事,但係故都故到係车震。我一直都唔肯定係我女友,直到佢喺部车出来。

我无当场捉佢姦,因为我当时实在唔係好信呢咃事竟然发生係我身上,又惊我地无弯转,更惊行到去嬲得滞打瓜个男人。

-----------------------------

更新2

经过咁多位师兄嘅鼓励,我鼓起勇气同佢讲我见到佢同个男人车震。佢开头好惊讶,最尾都认左,仲话剩係试过两次,两次都无用套,情不自禁⋯⋯

佢话佢仲中意我,但係又有哋中意佢同事,叫我比哋时间佢谂清楚。佢想要嘅係成日都可以陪係佢身边,身材好fit嘅男人,呢哋都係我比唔到佢嘅。

我谂,五雷轰顶都应该差唔多係呢种感觉


-----------------------------------------

更新3

真係好多谢各位有心人嘅支持和鼓励,我无同身边嘅好友讲起呢件事,身边嘅朋友大家都识,我唔想哋朋友知道佢原来会做得出呢哋事。

佢比我嘅答覆係佢唔会离开我住,佢会比半年时间我操fit返自己,亦都要处理好工作时间嘅问题,楼就照买,咁样就可以有多哋时间陪佢。但係係呢段时间我唔可以阻止佢同个男同事见面,佢会分配好时间。如果半年后我都改变唔到嘅话佢就真係离开我。

我知我真係比佢食往,但係真係好唔捨得佢离开我,如果无咗佢我会觉得人生好似白活一场咁,做人都好似无咩意义。同佢一齐后我无flirt过其他女人,亦无去club或去 bar,一心一意咁对佢,生活嘅重心就係佢,努力搵钱就係为咗佢将来生活好哋做个少奶奶,但係点解到所有野都差唔多都可以实现嘅时间发生哋咁嘅事?


------------------------------------

更新4

睇了各位师兄师姐所有嘅回覆同pm,真係估唔到原来好多人有类似嘅经历,好高兴你哋走出咗人生嘅低谷,你哋真係好勇敢!未经历过嘅希望你哋唔会经历到,因为过程实在太幸苦,比死更难受。如果唔係多得呢到咁多有心人嘅开解,呢几日真係可能涯唔住。

经过咗呢几曰嘅沉澱同各位嘅分析,我谂通咗少少。我话比我女友听,如果佢觉得同个男同事一齐比我幸福嘅话,我係真係可以放手嘅,亦唔需要比时间我改变,我会祝福佢的。佢话唔好,佢话真係仲爱我,但係个男同事比到佢我比唔到嘅感觉。咁我问佢有咩感觉係我比唔到佢,佢话同我一齐感觉好舒服,好安心,个天跌落黎我都会帮佢顶住咁。但係个男同事比到佢嘅感觉係好似见到偶像咁,兴奋、个心乱跳,好想个男同事嘅attention都放落佢到咁。佢话比啲时间佢谂清楚想。

sponsored

致于买楼,其实都係为我哋将来嘅家庭买嘅,佢选楼,我比钱我供,佢就做全职妈妈,我哋大家都好钟意bb,亦都觉得揍b一定要自己揍,唔可以假手于人。咁佢话係呢段时间楼睇好就买。其实,将来原本係可以好幸福的。

-------------------------------------------

更新5

係每一个我都有睇,有好多仲睇咗好多次。你哋好有心机咁不断想叫醒我,为我好,要我为自己将来打算,我真係感激不尽!经过咁多日亦听咗咁多位有心人嘅意见,我开始变返比较理智,用多咗个脑,用少咗个心去谂野。我係一个可以为爱付出好多嘅人,但係如果我哋俩个已经无咗爱嘅话,我应该放过佢、亦係比自己一条生路行。我打算话比佢听,我接受唔到佢果d条件,爱係唔应该咁样嘅,我会要佢同个男同事即刻一刀两断,如果唔係我哋就真係有无份,亦都比自己一个最后死心嘅理由。

sponsored

-----------------------------------

更新6

我终于同佢倾咗我哋嘅情况,亦都问咗好多关于佢男同事嘅野。问得越多,我个心就越痛,痛到想吐血,好想将个心切咗出黎咁。但係其实咁可能係好事,我好似无咁爱佢咁,或者係哀大莫过于心死?好多师兄师姐估中咗,佢车震咗唔只两次,係好多次。我之前亦都唔相信佢係贪我d钱,但係事实上钱起咗一个非常大嘅作用⋯⋯好听d就叫好仔,唔好听d就叫傻仔、水鱼。我亦都好有理由相信果个男同事係一个玩家兼食家,但係点都好,我前女友係果段时间係好开心嘅。

无错,我已经当佢係前女友,我真係受唔到佢一而再,再而三咁做,每日不断咁谂起呢件事,对住家人同事强颜欢笑,背后强忍悲伤。但係我仲係好唔捨得,唔捨得以前一齐嘅欢笑快乐,唔捨得我哋对大家嘅山盟海誓,点点滴滴,百般之味在心头。可能係我对爱情太有憧景,就好似十几年前嘅一套日剧"在世界中心呼唤爱"咁,令到我今日伤到粉身碎骨,喊到眼睙都流唔到出黎,乾到好痛,想盲咁。


我最尾喊住咁同佢讲,我真係剩係可以倍你到呢度。佢都喊,或者佢都唔捨得,佢提出可以做我嘅sp,我无答佢好或唔好,我唔单只无食慾,连性慾都无咗。

来源:ladies.discuss.com.hk